वीरगन्जमा एक महिलाको शव फेला
सिमराः वीरगन्ज महानगरपालिका १६ स्थित ईलाका प्रहरी कार्यालय नगवा अगाडि शनिबार बिहान एक महिलाको शव फेला परेको छ ।
फेला परेको शव वीरगन्ज ४ नर्सिङ क्याम्पस क्षेत्रमा बस्ने अंसुईया अग्रवालको रहेको जिल्ला प्रहरी कार्यालय पर्साले पुष्टि गरेको छ । महिलाको मृत्युको कारण हालसम्म खुल्न सकेको छैन् । प्रारम्भिक अनुसन्धानका क्रममा उनको टाउको छेउमा घाउ देखिएको प्रहरीले जनाएको छ ।
घटनास्थलको अवस्था हेर्दा कुनै जंगली जनावरको आक्रमण वा लडेर घाइते भएको हुनसक्ने अनुमान गरिएको छ । यद्यपि, शव परीक्षण रिपोर्ट आएपछि मात्र वास्तविक कारण थाहा हुन सक्ने प्रहरीको भनाइ छ ।
मृतकको शव परीक्षणका लागि वीरगन्जस्थित नारायणी अस्पताल पठाइएको छ । घटनाबारे थप अनुसन्धान भइरहेको प्रहरीले जनाएको छ ।
