नगर निर्माण व्यवसायी संघ जीतपुरसिमराको साधारणसभा सम्पन्न, कार्यालयको उद्घाटन
सिमराः जीतपुरसिमरा भित्र रहेका निर्माण व्यवसायीहरुको संगठन नगर निर्माण व्यवसायी संघको दोस्रो वार्षिक साधारणसभा शनिबार सिमरामा सम्पन्न भएको छ । सिमरास्थित होटल श्रेष्ठ रेसिडेन्सीमा साधारणसभा सम्पन्न भएको हो ।
साधारणसभाकै अवसर पारेर निर्माण व्यवसायीले सिमरामा कार्यालय समेत स्थापना गरेको छ । सिमरा बिजनेश सेन्टरमा रहेको कार्यालयको मधेस प्रदेशसभा सदस्य देवनारायण चौधरीले उद्घाटन गरेका थिए ।
चौधरीको प्रमुख आतिथ्यतामा सम्पन्न कार्यक्रममा जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारी, इलाका प्रहरी कार्यालय सिमराकी प्रहरी नायब उपरीक्षक सुभद्रा लामा वाइवा, निर्माण व्यवसायी संघ मकवानपुरका अध्यक्ष बालगोपाल कँडेल, चेम्बर अफ कमर्स जीतपुरसिमराका अध्यक्ष मनलाल श्रेष्ठ, निर्माण व्यवसायी संघ बाराका सहसचिव सतिश पटेल, जीतपुरसिमराका इन्जिनियर अभयकान्त झा, ललितकिशोर यादव, अखिलेश दास, नेकपा एमाले वडा नं. २ का वडाकमिटी अध्यक्ष रवीन्द्र खकुरेल, , किशोर त्रिपाठी, निर्माण व्यवसायी संघका सचिव राजेन्द्र गौतम, राधाकृष्ण मध्यवर्ती सामुदायिक वन समूहका उपाध्यक्ष युवराज न्यौपाने, एलाईट आरएमसीका संचालक शेखर भण्डारी, सहसचिव अर्जुन लामिछाने, नविन अधिकारी, विनय शाह, गणेश ठकुरी, राजकुमार थापालगायतको उपस्थिती रहेको थियो ।
साधारणसभाले अध्यक्ष दीपक ठाकुरको सागंठानिक प्रतिवेदन र कोषाध्यक्ष रामकुमार अर्यालको आर्थिक प्रतिवेदन पारित गरेको छ । साधारणसभामा जीतपुरसिमरा भित्र रहेर निर्माण व्यवसायमा आवद्ध व्यवसायीहरु उपस्थित थिए ।
