हेटौडामा ट्याक्टर दुर्घटना हुँदा पर्साका एक जनाको मृत्यु
सिमराः हेटौडामा शनिबार बिहान ट्याक्टर दुर्घटना हुँदा पर्साका एक जनाको मृत्यु भएको छ ।
मृत्यु हुनेमा जगरनाथपुर गाउँपालिका ४ हरपुरका १९ वर्षीय सद्दाम हुसेन रहेको प्रहरीले जनाएको छ । हेटौँडा १९ स्थित ज्यामिरे हेल्थपोष्ट नजिकको भित्री सडकमा बालुवा लोड गरेको ट्याक्टर अनियन्त्रित भई दुर्घटना भएको हो ।
बालुवा लोड गरेको बा.प्र.२–०३–००१ त ४३७१ नम्बरको ट्याक्टर अनियन्त्रित भई अगाडिको इन्जिनको भाग उठेपछि दुर्घटना भएको जिल्ला प्रहरी कार्यालय मकवानपुरले जनाएको छ ।
दुर्घटनामा ट्याक्टरले च्यापिएर चालक हुसेनको घटनास्थलमै मृत्यु भएको प्रहरीको भनाई छ । दुर्घटनाको थप अनुसन्धान भइरहेको प्रहरीले जनाएको छ ।
