युवा समाजसेवी जबराद्वारा मुस्लिम समुदायका लागि इफतारको आयोजना
वीरगन्जः वीरगन्जका युवा समाजसेवी तेज शमशेर जबराले शनिबार मुस्लिम समुदायका लागि ‘दावत ए इफतार’ को आयोजना गरेका छन् । रमजानको रोजा (व्रत) बसेका मुस्लिम समुदायका लागि जबराले आदर्शनगरस्थित पुरानो बसपार्कमा सामूहिक इफ्तारीको आयोजना गरेका हुन् ।
रमजानको रोजा बसेका मुस्लिम समुदायले सूर्यास्तपछि मात्रै खाना खाने गरेका छन् । जसलाई इफतारी भनिन्छ । आपसी सद्भाव र धार्मिक सहिष्णुताका लागि सामूहिकरुपमा इफ्तारीको आयोजना गरेको जबराले बताए ।
इफ्तारीमा सयौंको संख्यामा मुस्लिम समुदाय, स्थानीयबासी, वडा प्रहरी कार्यालय विर्ताका प्रहरी निरीक्षक निरोज चौगाईंसहित सुरक्षाकर्मी, संचारकर्मीलगायतको उपस्थिती रहेको थियो । सामूहिक इफ्तारी कार्यक्रममा भएको उत्साहजनक सहभागिताले खुशी लागेको जबराले प्रतिक्रिया दिए ।
वीरगन्ज महानगरपालिका १३ राधेमाईका जबरा लागूऔषधको प्रयोगमा रहेका यूवालाई समाजमा पुर्नस्थापित गर्ने अभियानमा लामो समयदेखि सक्रिय छन् । जबराले यसअघि पनि सामाजिक तथा रचनात्मक गतिविधिको आयोजना गर्ने गरेका थिए ।
