ईदको अवसरमा सोमबार सार्वजनिक बिदा
सिमराः इस्लाम धर्मावलम्बीको पर्व ईदको अवसरमा गृह मन्त्रालयले सोमबार सार्वजनिक बिदा दिएको छ । गृह मन्त्रालयले आइतबार साँझ विज्ञप्ति जारी गर्दै बिदा दिएको हो ।
मुस्लिम आयोगले साँझ ७ बजेको चन्द्रमा हेरेर जानकारी गराएपछि मन्त्रालयले अबेर गरेर सूचना जारी गरेको हो । मुस्लिम आयोगले इस्लामिक चन्द्र पात्रो हेरेर सिफारिस गरेपछि मात्रै गृह मन्त्रालयले बिदा दिने गरेको छ ।
नेपाल राजपत्रमा बिदा दिने उल्लेख भएपनि इस्लामिक चन्द्र पात्रो हेरेर मात्रै बिदा दिने गरिन्छ ।
