पत्रकार र संचारगृहमाथि भएको आक्रमणविरुद्ध बाराका पत्रकारले हातमा बाँधे कालो पट्टी
सिमराः चैत १५ गते काठमाडौंमा पत्रकारको ज्यान जाने गरी भएको आगजनी, संचार गृहमा भएको तोडफोडका घटनाविरुद्ध यतिबेला देशभरका पत्रकार आन्दोलित छन् ।
राजसंस्था पुर्नस्थापनाको माग राख्दै गरिएको आन्दोलनका क्रममा संचार क्षेत्रमाथि भएको आक्रमणविरुद्ध नेपाल पत्रकार महासंघको नेतृत्वमा आन्दोलन भईरहेको छ । सोही कार्यक्रम अन्तर्गत बारामा पनि कालो पट्टी बाधेर विरोध गरिएको छ ।
नेपाल पत्रकार महासंघ बाराको नेतृत्वमा कलैयामा पत्रकारहरुले कालो पट्टी बाधेर काम गरेका छन् । पत्रकार महासंघ बाराका उपाध्यक्ष पन्नालाल दासको अध्यक्षतामा सम्पन्न कार्यक्रममा पत्रकार महासंघका केन्द्रीय सदस्य सिकेन्द्र पासवान, मधेस प्रदेश सदस्य साजिर मन्सुर, पत्रकार महासंघ बाराकी उपाध्यक्ष प्रियंका दास, नेपाल प्रेस युनियन मधेस प्रदेशका अध्यक्ष सत्यप्रसाद श्रेष्ठ, प्रेस चौतारी नेपाल बाराका उपाध्यक्ष जिउतप्रसाद यादव, पत्रकार महासंघ बाराका पूर्वउपाध्यक्ष राकेश पाण्डे, पूर्वसचिव जयनारायणयादव, समाजवादी प्रेस संगठन बाराकाअध्यक्ष अजय साह, प्रेस चौतारी नेपाल बाराका सहसचिव धिरेन्द्र तिवारी, पत्रकार भोलानाथ पौडेल, अनिल पाण्डेलगायतको उपस्थित थिए ।
सम्बन्धित समाचारः
