इजाजत नलिएका हातहतियार सात दिनभित्र प्रहरीलाई बुझाउन बारा प्रशासनको आग्रह
सिमराः कानुन बमोजिम इजाजत नलिका वा इजाजतको नविकरण नगरेका हातहतियार तत्काल बुझाउन बारा प्रशासनले अनुरोध गरेको छ ।
जिल्ला प्रशासन कार्यालयका सहायक प्रमुख जिल्ला अधिकारी छविरमण भट्टराईले आइतबार विज्ञप्ति जारी गर्दै कानुनी प्रक्रिया पुरा नगर राखिएका हातहतियार तत्काल बुझाउन आग्रह गरेका हुन् ।
इजाजत प्राप्त व्यक्तिको मृत्युपछि हकवालाको नाममा नामसारी नभएका, नविकरण नगरिएका वा इजाजत नै नलिई राखिएका हतियार नजिकको प्रहरी कार्यालय वा जिल्ला प्रहरी कार्यालयमा बुझाउन सकिने भट्टराईद्धारा जारी सूचनामा उल्लेख छ । दिइएको समयमा हतियार नबुझाएमा इजाजत बिना हतियार राख्ने व्यक्तिमाथि कडा कारवाही हुने समेत विज्ञप्तिमा जनाइएको छ ।
हेर्नुस् विज्ञप्तिः
