प्रेस मञ्च बाराको दोस्रो जिल्ला अधिवेशन सम्पन्न, अध्यक्षमा पासवानलाई निरन्तरता
सिमराः प्रेस मञ्च नेपाल बाराको दोस्रो जिल्ला अधिवेशन आइतबार सम्पन्न भएको छ । अधिवेशनले निखिल पासवानको अध्यक्षतामा १५ सदस्यीय कार्यसमिति चयन गरेको छ ।
समितिको उपाध्यक्षमा शेख महताव आलम, महिला उपाध्यक्षमा सोनी यादव, सचिवमा मनिकचन साह, सहसचिवमा रुपेश साह र दीपक साह, कोषाध्यक्ष राजेशकुमार यादव रहेका छन् । यसैगरी सदस्यमा उपेन्द्र पासवान, नेहा गिरी, निभा गिरी, राजबहादुर यादव, प्रवेश चौधरी, भैरवलाल महतो कोइरी, साबिर आलम र ललन पासवान रहेका छन् ।
अधिवेशनको उद्घाटन प्रेस मञ्च नेपालका कार्यबाहक अध्यक्ष मनोज यादवले गरेका थिए । कार्यक्रममा संविधानसभाका सदस्य आत्माराम प्रसाद साह, पूर्वमन्त्री उषा यादव, जसपा नेपालका केन्द्रीय सदस्य उमरावती यादव, प्रेस मञ्चका केन्द्रीय सदस्य त्रिलोकीनाथ यादव, प्रेस मञ्च मधेस प्रदेशका अध्यक्ष अभरेन्द्रकुमार यादव, अनिल बर्मा, जसपा नेता रमेश यादव, प्रयाग यादव, रामकिशोर यादव, प्रमिला गिरी, बबितादेवीलगायतको उपस्थिती रहेको थियो ।
