मुख्यमन्त्री सिंहद्वारा मधेश स्वास्थ्य विज्ञान प्रतिष्ठान एकेडेमिक भवनको शिलान्यास


eShilalekh

१८ चैत्र २०८१, सोमबार १४:५४

जनकपुरः मधेश प्रदेशका मुख्यमन्त्री सतिश कुमार सिंहले सोबमार मधेश स्वास्थ्य विज्ञान प्रतिष्ठानको एकेडेमिक भवनको शिलान्यास गरेका छन् ।

जनकपुरधाम १४ स्थित मणि मण्डपको पछाडी रहेको गुठीको जग्गामा निर्माण हुन लागेको प्रतिष्ठानको एकेडेमिक भवनको मुख्यमन्त्री सिंहले शिलान्यास गरेका हुन् ।

मुख्यमन्त्री सिंहले भवन निर्माण कार्य सम्पन्न भएपछि शैक्षिक गतिविधि गर्न प्रतिष्ठानलाई सहज हुने बताएका छन् । उनले निर्माण हुन लागेको उक्त भवनका लागि अढाई करोडको टेण्डर निकालिएको र समयमै काम सम्पन्न गर्न निर्देशन दिएको जानकारी दिए ।

मधेश स्वास्थ्य विज्ञान प्रतिष्ठानका रजिष्ट्रार विनोद यादवले १८ बिघा गुठीको जग्गामा एकेडेमिक भवनसंगै, कक्षाकोठा, प्रयोगशाला, अस्पताल भवन निर्माण हुने जानकारी दिए ।

प्रतिक्रिया दिनुहोस्