सिस्नेरी खोलामा पौडी खेल्न गएका तीन बालकको डुबेर मृत्यु
सिमराः मकवानपुरको इन्द्रसरोबर गाउँपालिका ३ स्थित सिस्नेरी खोलामा सोमबार पौडी खेल्न गएका तीन बालकको डुबेर मृत्यु भएको छ । काभ्रे घर भएका दुई बालक र सिस्नेरी डोडारेका एक बालकको सिस्नेरी बजार नजिकको खोलामा पौडी खेल्ने क्रममा डुबेर मृत्यु भएको हो ।
मृत्यु हुनेमा १४ वर्षीय सुशान्त आचार्य, काभ्रे फूलबारी दाप्चाका १४ वर्षी प्रमेश घोरसाइने र ११ वर्षीय प्रमाध घोरसाइने रहेका छन् । घोरसाइने दाजुभाई हुन् भने आचार्य उनिहरुका मामाका छोरा हुन् । घोरसाइने दाजुभाइ मामा घर आएका बेला पौडी खेल्न गएका थिए ।
ईलाका प्रहरी कार्यालय भीमफेदीकी प्रहरी निरीक्षक ललिता ढकालले पौडी खेल्न गएका तीन बालकको एकै ठाउँ मृत्यु भएको पुष्टि गरिन् । मृत्यु भएका तीनै जना बालकको शव शल्यपरिक्षणका लागि काठमाडौं पठाइएको ढकालले बताईन् ।
