बारा प्रहरीद्वारा ३५ लाखभन्दा बढीको सामान सहित ट्रक नियन्त्रणमा

सिमराः बारा प्रहरीले मंगलबार राति लाखौं मूल्य बराबरको सामान सहित ट्रक नियन्त्रणमा लिएको छ ।
जीतपुरसिमरा उपमहानगरपालिका वडा नं. १ पथलैया चौक स्थित प्रहरी चौकी पथलैया, बाराबाट खटिएको प्रहरी टोलीले बिराटनगरबाट काठमाडौं तर्फ जाँदै गरेको ना ७ ख २४२१ नम्बरको ट्रक रोकेर जाँच गर्दा बिल बिजक भन्दा बढीको सामान बरामद गरेको बारा प्रहरी प्रवक्ता प्रहरी नायब उपरिक्षक विजयराज पण्डितले जानकारी दिए ।
प्रहरीका अनुसार बरामद भएको खुद्रा समानहरु (जुता, चप्पल, डाईफर, स्टेशनरी समान) को अ.मूल्य रु.३५,६४,००२ (पैतिस लाख चौसठ्ठी हजार दुई रुपैया) रहेको छ ।
बरामद सामानसहित ट्रक नियन्त्रणमा लिई आवश्यक कारवाहीको लागी राजस्व अनुसन्धान कार्यालय पथलैयामा बुझाईएको प्रहरीले जनाएको छ ।