गौरबाट काठमाडौं जाँदै गरेको जीप दुर्घटना हुँदा १० जना घाइते, तीनको अवस्था गम्भीर


eShilalekh

२० चैत्र २०८१, बुधबार १८:५२

रौतहटः रौतहटको गौरबाट काठमाडौं जाँदै गरेको जीप बुधबार दिउँसो इन्द्रसरोबर गाउँपालिकामा दुर्घटना हुँदा १० जना घाइते भएका छन् । घाइतेमध्ये तीन जनाको अवस्था गम्भीर रहेको छ ।

इन्द्रसरोबर गाउँपालिका २ बतासेस्थित भीमफेदी–कुलेखानी–सिस्नेरी काठमाडौं सडक खण्डमा ना१ज ५४८५ नम्बरको जीप ब्रेक फेल भएर सडकबाट करिब १०० मिटर तल खोल्सामा खसेको हो ।

मकवानपुरका प्रहरी नायव उपरीक्षक श्यामु अर्यालका अनुसार घाइतेमध्ये ३ जनाको अवस्था गम्भीर रहेको छ भने १ जना मध्यम र ५ जनाको अवस्था सामान्य छ । उपचारका लागि काठमाडौं पठाइएका घाइतेहरूको पहिचान खुल्न बाँकी रहेको अर्यालले बताए ।

जीप चालक प्रहरी चौकी खानीखेतको सम्पर्कमा रहेको प्रहरीले जनाएको छ । प्रहरीले दुर्घटनाको कारणबारे थप अनुसन्धान गरिरहेको छ ।

प्रतिक्रिया दिनुहोस्