पत्रकार आचारसंहिता पालना सम्बन्धी गोष्ठी सम्पन्न
सिमराः बाराको कलैयामा बुधबार पत्रकार आचारसंहिता पालना सम्बन्धी गोष्ठी सम्पन्न भएको छ । मिडिया काउन्सिलको आयोजना तथा नेपाल पत्रकार महासंघ बाराको समन्वयमा गोष्ठी आयोजना गरिएको हो ।
कार्यक्रममा मधेस सरकार गृह, सञ्चार तथा कानुन मन्त्री राजकुमार लेखीले प्रमुख अतिथिको रुपमा सम्बोधन गर्दै पत्रकार आचारसंहिता पालनाको विषय गम्भीर रहेको बताएका छन् । मन्त्री लेखी पत्रकारिताको विश्वसनीयता, विश्वस्तता र नैतिक मान्यता कायम राख्न पनि पत्रकार आचारसंहिताको पालना जरुरी रहेको बताए ।
कार्यक्रममा प्रदेशसभा सदस्य देवनारायण चौधरी, नेपाल पत्रकार महासंघका केन्द्रीय सदस्य सिकेन्द्र पासवान, राजेशकुमार कर्ण, मधेस प्रदेशका अध्यक्ष श्याम बञ्जारा, कोषाध्यक्ष अनिल गौरव, पत्रकार महासंघ बाराका पूर्वअध्यक्ष कमलकुमार उपाध्याय, गुरुप्रसाद गौतम, लक्ष्मी साहलगायत पत्रकारसम्बद्ध विभिन्न संघसंगठनका प्रतिनिधि, जिल्लामा क्रियाशिल संचारकर्मीको उपस्थिती रहेको थियो ।
पत्रकार महासंघ बाराका उपाध्यक्ष पन्नालाल दासको अध्यक्षतामा कार्यक्रम सम्पन्न भएको थियो ।
