बारा प्रहरीद्वारा लागूऔषध चरेससहित एक जना पक्राउ


eShilalekh

२३ चैत्र २०८१, शनिबार १४:५२

सिमराः बारा प्रहरीले लागूऔषध चरेससहित एक जनालाई पक्राउ गरेको छ । पक्राउ पर्नेमा मकवानपुरको थाहा नगरपालिका ६ का ३८ वर्षीय दशरथ थिङ रहेका छन् ।

ईलाका प्रहरी कार्यालय अमलेखगञ्जबाट प्रहरी वरिष्ठ नायब निरीक्षक टेकबहादुर कार्कीको नेतृत्वमा खटिएको प्रहरी टोलीले हेटौँडाबाट वीरगन्जतर्फ आउँदै गरेको बा ४८ प ९३३ नम्बरको १५० सिसीको पल्सर मोटरसाइकल रोकेर जाँच गर्दा सिटमुनि लुकाईछिपाइ राखिएको अवस्थामा चरेस फेला परेको प्रहरीले जनाएको छ ।

लागुऔषध चरेससहित थिङलाई नियन्त्रणमा लिई आवश्यक कानुनी प्रक्रिया अघि बढाइएको जिल्ला प्रहरी कार्यालय बाराले जनाएको छ ।

प्रतिक्रिया दिनुहोस्