बृद्धको हत्या गरी फरार युवक पक्राउ
सिमराः कलैया उपमहानगरपालिका ९ का एक बद्धको हत्या गरी फरार रहेका युवकलाई बारा प्रहरीले पक्राउ गरेको छ । गत शुक्रवार ७२ वर्षिय अहमद मिँया चुडिहारको हत्या गरी फरार रहेका युवकलाई प्रहरीले पक्राउ गरेको हो ।
पक्राउ पर्नेमा सोही ठाँउका ३१ वर्षिय बजरंगी साह तुरहा रहेका छन् । चुडिहारको हत्या गरी तुरहा फरार रहेका थिए ।
बृद्धको हत्या गरी तुरहाले उनको नगद र मोबाईल लिएर फरार रहेका थिए । मोबाईलकै आधारमा तुरहालाई पक्राउ गरिएको बाराका प्रहरी नायब उपरिक्षक राजेश थापाले जानकारी दिएका छन् ।
पक्राउ परेका तुरहालाई कर्तब्य ज्यान मुद्धामा कारवाही प्रक्रिया थालिएको थापाले बताए ।
