लायन्स क्लबद्धारा सिमरामा वृक्षरोपण
सिमराः लायन्स क्लबको आयोजनामा आईतवार सिमरामा वृक्षरोपण कार्यक्रम सम्पन्न भएको छ । सिमरास्थित थानीमाई वन उपभोक्ता समितिको क्षेत्रभित्र वृक्षरोपण गरिएको हो ।
लायन्स क्लब अफ सिमरा युथ, लायन्स क्लब अफ जीतपुरसिमरा र लायन्स क्लब अफ अमलेखगंजको संयुक्त आयोजनामा भएको कार्यक्रम सम्पन्न भएको हो । कार्यक्रममा विभिन्न प्रजातीका एक सय भन्दा बढी विरुवा रोपिएको थियो ।
सामाजिक सेवामा सक्रिय लायन्स क्लबको तीन वटा क्लबले संयुक्त रुपमा आयोजना गरेको उक्त कार्यक्रममा डिष्ट्रिक्ट गभर्नर अम्बरबहादुर श्रेष्ठ, प्रथम डिष्ट्रिक्ट भाईस गभर्नर डिएन अग्रवाल, सचिव बालकुमार पाण्डे, कोषाध्यक्ष दिपिन श्रेष्ठ, डिक्ट्रिक्ट चिफ एडभाईजर विनय बस्नेत, डिस्ट्रिक्ट एक्युकिटिभ चिफ महेश पोखरेल, रामबिहारी पाण्डे, डिस्ट्रिक्ट को चिफ विश्वनाथ खनाल, एरिया २ चिफ बिकेशलाल श्रेष्ठ, एम्बेसडर अफ गभर्नर मुकुन्दबहादुर क्षेत्री, जोन चेयर पर्सन डम्मरमणी लिम्बु, चुडामणी खरेल, लायन्स क्लब अफ सिमरा युथका अध्यक्ष दिवाकर भण्डारी, अमलेखगंजका अध्यक्ष विनय साह, जीतपुरसिमरा १ का वडासदस्य अमन लामालगायतको उपस्थिती रहेको थियो ।
उक्त कार्यक्रममा अनेरास्ववियुका केन्द्रीय महासचिव समिक बडालसहित अनेरास्ववियुका केन्द्रीय र जिल्ला पदाधिकारीसमेत सहभागी हुँदै वृक्षरोपण गरेका थिए । हेटौंडामा आयोजना हुने कार्यक्रममा सहभागी हुन सिमरा विमानस्थल आएका बडालसहित अनेरास्ववियुको टोलीले थानीमाई वन क्षेत्रमा पुगेर वृक्षरोपण गरेको थियो ।
टोलीमा अनेरास्ववियुका केन्द्रीय सचिवालय सदस्य एवम् लायन्स क्लब अफ सिमरा युथका प्रथम उपाध्यक्ष त्रिलोक विक्रम शाह, अनेरास्ववियुका केन्द्रीय सदस्य मनिष प्याकुरेल, राजकुमार न्यौपाने, जिल्ला अध्यक्ष सरोज खनाल, नगर अध्यक्ष ईश्वर बस्नेतसहित लायन्स क्लब अफ सिमरा युथका सचिव श्रीराम रेग्मीलगायतको सहभागी थिए ।
