पथलैया यु२० फूटवलः सेमिफाईनल समिकरण पूरा
पथलैयाः निजगढको न्यु जनजागृति युवा क्लब पथलैयामा जारी प्रथम पथलैया यु२० नकआउट फूटवल प्रतियोगिताको सेमिफाईलनमा प्रवेश गरेको छ ।
पथलैयामा मंगलवार भएको खेलमा राईजिङ स्टार क्लबलाई १-० ले पराजित गर्दै निजगढले अन्तिम चारमा स्थान सुरक्षित गरेको हो । निजगढका लागि प्रेम आले मगरले दास्रो हाफको २०औं मिनेटमा निर्णायक गोल गरेका थिए । आले खेलको म्यान अफ दि म्याच घोषित भए ।
निजगढले सेमिफाईनल यात्रा तय गरेसंगै प्रतियोगिताको सेमिफाईनलको समिकरण पूरा भएको छ । यसअघि सहआयोजक दिब्यज्योती युवा क्लब, न्यु हिमाल क्लब निजगढ र न्यु योङ स्टार क्लब महेन्द्रनगर सेमिफाईनलमा प्रवेश गरिसकेका छन् ।
प्रतियोगिता अन्तर्गत फाईनल प्रवेशका लागि बुधवार हिमाल क्लब र योङ स्टार क्लबबीच खेल हुनेछ ।
