नेकपा एमाले जीतपुरसिमरा ७ को वडाअविधेशन सुरु, बन्दसत्र १९ गते हुने
सिमराः नेकपा एमाले जीतपुरसिमरा उपमहानगरपालिका वडा नं. ७ को प्रथम वडाअधिवेशनको उद्घाटन सम्पन्न भएको छ । जीतपुरमा एक कार्यक्रमकाबीच अधिवेशनको उद्घाटन एमाले प्रदेश कमिटी सदस्य देवनारायण चौधरीले गरेका हुन् ।
अधिवेशनको उद्घाटन कार्यक्रममा एमाले मधेस प्रदेश कमिटी सदस्य दिनेश्वर ठाकुर, जिल्ला सचिवालय सदस्य एवम् जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारी, जिल्ला सचिवालय सदस्य मनोज पौडेल, कमला घिमिरे, जिल्ला कमिटी सदस्य देवी सापकोटा, भावना आचार्य, मनोज चौधरी, पूर्व जिल्ला कमिटी सदस्य एवम् जीतपुरसिमरा ७ का वडाध्यक्ष सुनिल गुप्ता, जिल्ला सल्लाहकार सदस्य अफताफ आलम, पूर्वजिल्ला कमिटी सदस्य मनोज साह, नगर कमिटी सचिव रत्न उप्रेती, उपसचिव त्रिलोक बिक्रम शाह, युवा नेता अनिल गुप्ता, अनेरास्ववियु बाराका अध्यक्ष सरोज खनाललगायतको उपस्थिती रहेको थियो ।
जेष्ठ नागरिक कृष्ण नेपाल बृद्धको अध्यक्षतामा सम्पन्न उद्घाटन कार्यक्रमको संचालन अनिल तिवारीले गरेका थिए । कार्यक्रममा सिता उप्रेतीले स्वागत मन्तब्य राखेकी थिईन् ।
उद्घाटन समारोह सम्पन्न भएको अधिवेशनको बन्दसत्र कार्यक्रम भदौ १९ गते हुने भएको छ ।
