ईलाका प्रशासन कार्यालय सिमराको प्रमुखमा केसी आँउदै
सिमराः ईलाका प्रशासन कार्यालय सिमराको प्रमुखमा उपसचिव टोपेन्द्रबहादुर केसी आउने भएका छन् । गृह मन्त्रालयले मोहनप्रसाद अर्याललाई तेह्रथुमको प्रमुख जिल्ला अधिकारी बनाउदै पठाएपछि उनको स्थानमा केसीलाई सरुवा गरेको हो ।
केही जिल्लाका प्रमुख जिल्ला अधिकारी हेरफेर गर्ने क्रममा गृह मन्त्रालयले सिमराको प्रमुखको जिम्मेवारीमा रहेका अर्याललाई तेह्रथुम पठाएर बाँकेका सहायक प्रमुख जिल्ला अधिकारी केसीलाई सिमरा सरुवा गर्ने निर्णय गरेको छ ।
तेह्रथुम सरुवा भएका अर्याललाई कार्यालयका कर्मचारीले विदाई समेत गरिसकेका छन् ।
