सिमरा खानेपानीको २०औं साधारण सभा सम्पन्न
सिमराः सिमरा खानेपानी उपभोक्ता तथा सरसफाई समितिको २०औं वार्षिक साधारण सभा शनिवार सम्पन्न भएको छ । गणपूरक संख्या नपुगेका कारण भदौ २५ गते स्थगित साधारण सभा सम्पन्न भएको हो ।
संस्थाका अध्यक्ष कासिम हुसेनको अध्यक्षतामा सभा सम्पन्न भएको हो । साधारण सभाका अवसरमा संस्थाले समितिका पूर्वअध्यक्षलाई सम्मान गरेको थियो । खानेपानी मन्त्रालयका पूर्व सहसचिव अ?ण सिंखडाले पूर्वअध्यक्षलाई सम्मान गरेका थिए ।
साधारण सभामा जीतपुरसिमरा उपमहानगरपालिका नगर उपप्रमुख भोलाप्रसाद अधिकारी, वडा नंर २ का वडाध्यक्ष धनबहादुर श्रेष्ठ, विभिन्न राजनीतिक दलका प्रतिनिधि, संघसंस्थाका प्रतिनिधिलगायतको उपस्थिती रहेको थियो ।
