बारा प्रहरीद्धारा १४ लाखको अवैध गुट्खा बरामद
सिमराः भारतबाट भन्सार छलेर नेपाल ल्याउदै गरेको १४ लाख मूल्य बराबरको गुट्खा प्रहरीले बरामद गरेको छ । पथलैया–वीरगन्ज व्यापारिक मार्ग अन्तर्गत नितनपुरबाट प्रहरीले रजनीगन्धा गुट्खा बरामद गरेको हो ।
राजमार्गमा सवारी चेकजाँचका क्रममा वीरगन्जबाट पथलैयातर्फ आउँदै गरेको ना६ख ७२५८ नम्बरको ट्रकबाट उक्त परिमाणको गुट्खा बरामद गरिएको जिल्ला प्रहरी कार्यालय बाराले जनाएको छ ।
अवैधरुपमा गुट्खा भित्राउदै गरेको पुष्टि भएपछि प्रहरीले ट्रकसहित चालक धादिङ रोराङ्ग गाँउपालिका ५ का ३५ वर्षिय नकुल परियारलाई समेत नियन्त्रणमा लिएको छ ।
प्रहरीले गुट्खासहित ट्रक र चालकलाई वीरगन्जस्थित भन्सार कार्यालय चलान गरेको छ ।
