जंगली हात्तीको आक्रमणबाट अमलेखगंजमा एक महिला घाईते
सिमराः जंगली हात्तीको आक्रमणमा परी विहिवार अमलेखगंजमा एक महिला घाईते भएकी छिन् । बाख्रा चराउन जंगल गएको अवस्थामा हात्तीले आक्रमण गर्दा जीतपुरसिमरा उपमहानगरपालिका २१ की ५१ वर्षीया रुगैदा खातुन घाईते भएकी हुन् ।
खातुनको सिमरास्थित अल्पाईन अस्पतालमा उपचार भईरहेको छ । उनको घाटी र घुँडामा चोट लागेको छ । उनको अवस्था मध्यम छ ।
अमलेखगंजस्थित नेपाल आयल निगम अगाडी रहेको पार्किङ नजिकको जंगलमा खातुनलाई हात्तीले आक्रमण गरेको थियो । हात्तीले आक्रमण गरी घाईते बनाएपछि खातुनसंगै जंगल गएका अन्यले प्रहरीलाई खबर गरेका थिए ।
स्थानीयको सूचना पाएपछि पुगेको प्रहरी टोलीले घाईतेलाई अस्पताल लगेको हो ।
