अपडेट: जंगली हात्तीको आक्रमणबाट घाइते महिलाको मृत्यु
सिमरा: जंगली हात्तीको आक्रमणमा परी घाइते महिलाको उपचारका क्रममा मृत्यु भएको छ ।
अमलेखगंजमा बिहिवार दिउँसो हात्तीले आक्रमण गर्दा घाइते भएकी जीतपुरसिमरा २१ अमलेखगञ्जकी ५१ वर्षीया रुगैदा खातुनको अल्पाइन अस्पतालमा मृत्यु भएको हो ।
बाख्रा चराउन जंगल गएको समयमा खातुनलाई हात्तीले आक्रमण गरेको हो । अमलेखगंजस्थित नेपाल आयल निगम अगाडी रहेको पार्किङ नजिकको जंगलमा खातुनलाई हात्तीले आक्रमण गरेको थियो ।
हात्तीले आक्रमण गर्दा खातुनको घाँटी र खुट्टामा चोट लागेको थियो । खातुनको भित्री रक्तस्रावका कारण मृत्यु भएको चिकित्सकले जनाएका छन् ।
हात्तीले आक्रमण गरी घाईते बनाएपछि खातुनसंगै जंगल गएका अन्यले प्रहरीलाई खबर गरेका थिए । स्थानीयको सूचना पाएपछि पुगेको प्रहरी टोलीले घाईतेलाई अस्पताल लगेको थियो ।
