ऊखु बालीमा आगलागी हुँदा लाखौको क्षती
निजगढः बाराको निजगढ नगरपालिका ८ स्थित किसानले लगाएको ऊखु बालीमा आगलागी हुदा पाँच लाख मूल्य बराबरको ऊखु जलेर नष्ट भएको छ ।
स्थानीय राम खत्रीले एक बिगाह खेतमा लगाएको ऊखु बालीमा बुधवार साझ आगलागी भएको हो । ऊखुी बालीमा अचानक आगो लागेको देखेपछि स्थानीयले प्रहरीलाई खबर गरेका थिए ।
ऊखु बालीमा लागेको आगो करिब एक घण्टामा नियन्त्रणमा लिइएको थियो । स्थानीय, प्रहरी र दमकलको सहयोगमा आगो नियन्त्रणमा लिइएको बाराका प्रहरी प्रवक्ता राजेश थापाले जानकारी दिएका छन् ।
यता जीतपुरसिमरा ७ शान्ति टोलस्थित उजर देवानको घरमा आगाली हुँदा घरको सामान जलेर नष्ट भएको छ । देवानको घरमा बुधवार साँझ आगलागी हुदा लत्ताकपडा, खाट, भाडालगायतको सामान गरेर एक लाखको धनमाल जलेर जष्ट भएको प्रहरी प्रवक्ता थापाले जानकारी दिए ।
देवानको घरमा लागेको आगो नियन्त्रणमा लिएको छ ।
