छातापिपरामा बसको ठक्करबाट पैदल यात्रुको मृत्यु
सिमरा: बसको ठक्करबाट छातापिपरामा शुक्रवार एक पैदल यात्रुको मृत्यु भएको छ ।
सिमराबाट वीरगन्जतर्फ जादै गरेको बा.प्र.०६-००१ ख ०१२२ नम्बरको बसले ठक्कर दिदा जीतपुरसिमरा २ की २६ वर्षीया गुन्जना श्रेष्ठको मृत्यु भएको हो ।
बसको ठक्करबाट गम्भीर घाइते श्रेष्ठलाई उपचारका लागि वीरगन्ज लैजादै गर्दा बाटोमा मृत्यु भएको बाराका प्रहरी प्रवक्ता राजेश थापाले जानकारी दिए ।
पथलैया-वीरगन्ज ब्यापारिक मार्ग अन्तर्गत जीतपुरसिमरा ९ स्थित छातापिपरामा श्रेष्ठलाई बसले ठक्कर दिएको थियो । प्रहरीले बससहित चितवन रत्ननगर नगरपालिका ४ का ३९ वर्षीय चालक सुरेश राउतलाई नियन्त्रणमा लिएको छ ।
