स्वतन्त्र उम्मेदवार इच्छाबहादुर वाग्लेले गरे मतदान
सिमराः बारा क्षेत्र नं. ४ का स्वतन्त्र उम्मेदवार इच्छाबहादुर वाग्लेले मतदान गरेका छन् । जीतपुरसिमरा उपमहानगरपालिका वडा नं. ३ बजनीस्थित मतदान केन्द्रबाट उम्मेदवार वाग्लेले मतदान गरेका हुन् ।
मतदानपछि प्रतिक्रिया दिदै वाग्लेले बारा क्षेत्र नं. ४ को समृद्धिका लागि जनताले उत्साहित भएर मतदान गर्ने बताएका छन् । वाग्ले सिमरास्थित होटल इच्छाका संचालक समेत हुन् ।
गठबन्धनबीचको भागबण्डामा नेपाली कांग्रेस बारा क्षेत्र नं. ४ मा उम्मेदवारविहिन भएपछि वाग्लेले स्वतन्त्र उम्मेदवारी दिएका थिए । कांग्रेसलाई पन्छाउदै जनमत कमजोर रहेको एकिकृत समाजवादीले प्रतिनिधिसभामा टिकट लिएपछि वाग्लेले स्वतन्त्र उम्मेदवारी दिएका हुन् । वाग्ले कांग्रेसका अगुवा नेता थिए ।
