बारा १ का उम्मेदवार अच्युत मैनालीले गरे मतदान
सिमराः बारा क्षेत्र नं. १ का प्रतिनिधिसभा सदस्य पदका उम्मेदवार अच्युत मैनालीले मतदान गरेका छन् । नेकपा एमालेका उम्मेदवार मैनालीले कोल्हबी नगरपालिका १ खैरास्थित केन्द्रबाट मतदान गरेका हुन् ।
मैनालीले मत खसालेसंगै उक्त केन्द्रमा मतदान सुरु भएको छ । मैनाली नेकपा एमालेको पोलिटव्युरो सदस्य एवम् मधेस प्रदेशका सहइन्चार्ज हुन् ।
मैनालीलाई उक्त क्षेत्रमा बलियो प्रतिस्पर्धीको रुपमा हेरिएको छ । २०७४ सालको निर्वाचनमा पनि उम्मेदवार रहेका मैनाली नेपाली कांग्रेसका उम्मेदवार उमाकान्त चौधरीसंग पराजित भएका थिए ।
मैनाली र चौधरी यस निर्वाचनमा पनि एकअर्काका प्रतिस्पर्धी छन् ।
