जीतपुरसिमराको लेखा शाखा प्रमुख फेरिए, सुवेदी आउने
सिमराः जीतपुरसिमरा उपमहानगरपालिकाको आर्थिक प्रशासन महाशाखाको प्रमुखका रुपमा लेखा अधिकृत सन्तोष सुवेदी आउने भएका छन् । महालेखा नियन्त्रक कार्यालयले तीन सय ७३ कर्मचारीको सरुवा गर्ने क्रममा सुवेदीलाई जीतपुरसिमरा पठाउने निर्णय गरेको हो ।
सुवेदी वीरगन्जस्थित हुलाकी राजमार्ग परियोजनामा कार्यरत छन् । सुवेदीलाई उक्त कार्यालयबाट जीतपुरसिमरामा सरुवा गरिएको हो । उपसचिवको दरबन्दी रहेको जीतपुरसिमरामा यसअघि लेखापाल राजेन्द्रकुमार कार्की लेखा शाखा प्रमुखको रुपमा कार्यरत थिए ।
