सिम्रौनगढमा राष्ट्रिय युवा संघको नगर कमिटी गठन
कलैयाः नेकपा एमालेको जनवर्गीय संगठन राष्ट्रिय युवा संघ नेपालको सिम्रौनगढ नगर कमिटीको प्रथम नगर अधिवेशन शनिवार सम्पन्न भएको छ ।
अधिवेशनले सुरेशलाल कुशवाहाको अध्यक्षतामा ४७ सदस्यीय नगर कमिटी चयन गरेको छ । कमिटीको उपाध्यक्षमा सुधिर गुप्ता, सचिवमा जटाशंकर प्रसाद साह, उपसचिवमा राजबीर कुशवाहा राजुप्रसाद साह, कोषाध्यक्षमा कृष्णदेवी राम चयन भएका छन् ।
एमाले केन्द्रीय सदस्य बलबीर चौधरीको अध्यक्षतामा सम्पन्न कार्यक्रममा युवा संघकी केन्द्रीय उपाध्यक्ष सिता सुवेदी, केन्द्रीय सदस्य तिलक घलान, मधेस प्रदेश कमिटी सदस्य ताराचन्दप्रसाद साह, शशि दास, बाराका अध्यक्ष राम यादवलगायतको उपस्थिती रहेको थियो । अधिवेशन एमाले नगर कमिटी अध्यक्ष महेन्द्रप्रसाद जैसवालको अध्यक्षतामा सम्पन्न भएको थियो ।
