मोटरसाइकल दुर्घटनामा एकको मृत्यु, दुई घाइते
कलैयाः सिम्रौनगढमा बिहिवार साँझ दुई वटा मोटरसाइकल एकआपसमा ठोक्किएर दुर्घटना हुँदा एक जनाको मृत्यु भएको छ । मृत्यु हुनेमा सिम्रौनगढ १० टेटाका ६५ वर्षीय महाबीर साह कानु रहेका छन् ।
टेटाबाट सिम्रौनगढ बजारतर्फ आउदै गरेको ना१प ६८८८ नम्बरको मोटरसाइकल विपरित दिशाबाट आईरहेको ना१८प ५१४१ नम्बरको मोटरसाइलसंग ठोक्किएको हो । दुर्घटनालगत्तै कानुलाई अस्पताल लगिएपनि चिकित्सकले मृत घोषणा गरेका थिए ।
दुर्घटनामा कानुकी १३ वर्षीया नातिनी प्रियांशु कुमारी र अर्का मोटरसाइकल चालक वाल्मीकि यादव घाइते भएका छन् । घाइतेको कलैयास्थित अस्पतालमा उपचार भईरहेको र कानुको शवलाई शल्य परीक्षणका लागि प्रादेशिक अस्पताल कलैया ल्याइएको बाराका प्रहरी प्रवक्ता राजेश थापाले जानकारी दिएका छन् ।
