लामा रिकभरिङ नेपालको केन्द्रीय सदस्यमा चयन
सिमराः नयाँ गोरेटो पुनर्स्थापना केन्द्रका अध्यक्ष राजकुमार लामा रिकभरिङ नेपालको केन्द्रीय सदस्यमा चयन भएका छन् । चितवनमा बिहिवार सम्पन्न राष्ट्रिय भेलाले लामालाई केन्द्रीय सदस्यमा चयन गरेको हो ।
लागुऔषध उपचार र पुनर्स्थापनाका लागि कार्यरत संस्थाहरुको भेलाबाट रिकभरिङ नेपालको नयाँ नेतृत्व चयन गर्ने क्रममा लामालाई मधेस प्रदेशबाट केन्द्रीय सदस्यमा चयन गरिएको हो । लामा जीतपुरसिमरा २ स्थित नयाँ गोरेटो पुनर्स्थापना केन्द्रका अध्यक्ष हुन् ।
भेलाले दिलिप गुरुङको नेतृत्वमा १७ सदस्यीय केन्द्रीय समिति चयन गरेको छ ।
