केपी ओली कपको प्रचार ब्यानर बारामा
सिमराः नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीको नाममा संचालन हुन लागेको राष्ट्रिय फूटबल प्रतियोगिताको प्रचार ब्यानर बारामा पनि राखिएको छ ।
राष्ट्रिय युवा संघ नेपालका कार्यकर्ताले निजगढ र परवानीपुरमा केपी ओली कपको प्रचार ब्यानर राखेका हुन् ।
युवा संघले आयोजना गर्न लागेको प्रतियोगिता फाल्गुन ११ गतेदेखि काठमाडौंमा सुरु हुदैछ । फाल्गुन १७ गतेसम्म आयोजना हुने प्रतियोगितामा ए डिभिजनका सातसहित आठ टिमले सहभागिता जनाउदैछन् ।
प्रतियोगितामा आयोजक केपी ओली फूटबल क्लबसहित विभागिय टिम त्रिभुवन आर्मी क्लब, नेपाल पुलिस क्लब, मछिन्द्र, एनआरटी, चर्च ब्वाईज, सातदोबाटो युथ क्लब र जावलखेल युथ क्लबले सहभागिता जनाउन लागेका हुन् ।
दशरथ रंगशाला, च्यासल खेल मैदान र एन्फा कम्प्लेक्समा आयोजना हुने प्रतियोगिताको विजेताले १० लाख र उपविजेताले पाँच लाख नगद प्राप्त गर्नेछन् ।
