सातौं जिल्ला स्तरीय कँराते प्रतियोगिता सम्पन्न, सिमरा डोजो प्रथम
सिमराः जीतपुरमा आयोजित सातौं जिल्ला स्तरीय कँराते प्रतियोगिता सम्पन्न भएको छ । नेपाल सितोरियो कँराते जीतपुर डोजो शाखाको आयोजनामा सम्पन्न प्रतियोगितामा सिमरा डोजो प्रथम भएको छ ।
सिमरा डोजो ६ स्वर्ण जितेर प्रथम हुँदा जीतपुरको आयोजक डोजो द्धितीय र जीतपुर डोजो तृतीय भएको छ । प्रतियोगितामा जीतपुरका दुई डोजो सहभागी थिए । सहभागी डोजोमध्ये आयोजक डोजोले पाँच स्वर्ण र जीतपुर डोजोले तीन स्वर्ण जितेको हो ।
प्रतियोगिताका बिजयी खेलाडीलाई नेपाली सेना २८ नम्बर बाहिनीका सहायक रथी सानु काजी थापाले शिल्ड, मेडल तथा प्रमाणपत्र वितरण गरेका थिए । प्रतियोगिताको समापन कार्यक्रम आयोजक डोजोका अध्यक्ष मनोजकुमार साहको अध्यक्षतामा सम्पन्न भएको थियो ।
प्रतियोगितामा बाराका आठ वटा टिमले सहभागिता जनाएका थिए ।
