चेरवन्त गोल्डकपः सिन्धुली सेमिफाइनलमा प्रवेश
सिमराः नमुना जन उत्थान युवा क्लब सिन्धुली कोल्हबीमा जारी प्रथम चेरवन्त गोल्डकप फूटबल प्रतियोगिताको सेमिफाइनलमा प्रवेश गरेको छ ।
सिन्धुलीले हरिवन युवा क्लब सर्लाहीलाई २–० ले पराजित गरेको हो । सिन्धुलीको जितमा संजिव र सुजित अधिकारीले एक–एक गोल गरे ।
खेलको ११औं मिनेटमा संजिवको गोलबाट अग्रता लिएको सिन्धुलीले ३२औं मिनेटमा गोलअन्तर दोब्बर पारेको थियो । सिन्धुलीका लागी सुजितले दोस्रो गोल गरेका थिए ।
सिन्धुलीले फाइनल प्रवेशका लागी बिहिवार महोत्तरीसंग प्रतिस्पर्धा गर्नेछ । प्रतियोगिता अन्तर्गत मंगलवार हेटौडा फूटबल एकेडेमी र आयोजक श्री मानसी बाबा युवा क्लबबीच खेल हुनेछ ।
