पोतामा बिहिवारदेखि वडाध्यक्ष भलिबल प्रतियोगिता सुरु हुने, यस्तो छ खेल तालिकाः
सिमराः जीतपुरसिमरा उपमहानगरपालिका वडा नं. १३ पोतामा बिहिवारदेखि प्रथम वडाध्यक्ष भलिबल प्रतियोगिता सुरु हुँदैछ । डुमरवाना विकास मञ्चले बुधवार पत्रकार सम्मेलनको आयोजना गरी प्रतियोगिताको बारेमा जानकारी गराएको हो ।
प्रतियोगितामा १४ टिमले सहभागिता जनाउने भएका छन् । आयोजक मञ्चका अनुसार प्रतियोगितामा मनहर्वा, मिलन चोक, मकवानपुर, सर्लाही, जुअवा, पिलुवा, पोता, रौतहट, महोत्तरी, सिन्धुली, बसतपुर, महोत्तरी एपीएफ, नवलपुर र आयोजक डुमरवानाको सहभागिता रहनेछ ।
फाल्गुन २० गतेसम्म आयोजना हुने प्रतियोगिताको विजेताले ८० हजार र उपविजेताले ४० हजार नगद प्राप्त गर्ने मञ्चका अध्यक्ष जितेन्द्र चौधरीले जानकारी दिएका छन् ।
जीतपुरसिमरा उपमहानगरपालिकाको कार्यालय र वडा नं. १३ को सहयोगमा प्रतियोगिता आयोजना गर्न लागिएको हो । प्रतियोगिताको बारेमा जानकारी दिन आयोजित पत्रकार सम्मेलनमा वडाध्यक्ष हेमनारायण चौधरी, सल्लाहकार रुपलाल चौधरी, बाबुराम चौधरी, कार्यक्रम संयोजक प्रमोदप्रसाद चौधरी, अफिसियल हिमाल केसीलगायतको उपस्थिती रहेको थियो ।
