बाराका तीन खेलाडी एनआरटीमा आवद्ध, ए डिभिजन लिग खेल्ने
सिमराः बाराका तीन युवा फूटबलर ए डिभिजन क्लब न्युरोड टिम (एनआरटी) मा आवद्ध भएका छन् । विभिन्न उमेर समूहबाट नेपालका लागी फूटबल खेल्दै आएका मोहित गुरुङ, जन्मजय धामी र अजय चौधरी एनआरटीमा आवद्ध भएका हुन् ।
सहिद स्मारक ए डिभिजन लिगका लागी एनआरटीले मिडफिल्डर गुरुङ, धामी र डिफेन्डर चौधरीलाई टिममा भित्राएको हो । मासिकरुपमा पारिश्रमिक लिने गरी तीनै जना खेलाडीले एनआरटीसंग सम्झौता गरेका छन् ।
सम्झौताअनुसार गुरुङले मासिक ५० हजार, चौधरीले ४० हजार र धामीले ३५ हजार प्राप्त गर्नेछन् । सम्झौतासंगै उनिहरु एनआरटीको प्रशिक्षणमा जोडिएका छन् ।
एनआरटीसंग जोडिएका गुरुङ जीतपुरसिमरा २, चौधरी जीतपुरसिमरा ४ र धामी निजगढ ४ का हुन् । यसअघि गुरुङ च्यासल, चौधरी आरसीटी बि र धामी पुल्चोक सि बाट खेलेका थिए ।
ए डिभिजन क्लबसंग सम्झौता गरेका युवा फूटबलरले फागुन १९ देखि जेष्ठ २५ गतेसम्म काठमाडौंमा आयोजना हुने सहिद स्मारक ए डिभिजन लिग खेल्नेछन् ।
