बारामा गाडीको ठक्करबाट मोटरसाइकल चालकको मृत्यु
सिमरा: बाराको महागढीमाईमा मोटरसाइकल दुर्घटनामा चालकको मृत्यु भएको छ । मृत्यु हुनेमा आदर्शकोतवाल गाउँपालिका १ जमुनियाका २३ वर्षीय विकासकुमार साह रहेका छन् ।
साहको उपचारका क्रममा गण्डक अस्पतालमा मृत्यु भएको हो । महागढीमाई ८ थलही पुलमा नम्बर नखुलेको गाडीले ना४७प ४१४७ नम्बरको मोटरसाइकललाई ठक्कर दिएको थियो ।
दुर्घटनालगत्तै गम्भीर घाइते भएका साहलाई उपचारका लागि वीरगन्ज लगिएको र उपचारका क्रममा साँझ मृत्यु भएको बारा प्रहरीले जनाएको छ ।
साहलाई ठक्कर दिएर फरार भएको गाडीको खोजी भइरहेको प्रहरीले जनाएको छ ।
