१० तोला सुनसहित जीतपुरका सुनार प्रहरी नियन्त्रणमा
सिमराः बारा जीतपुरका सन्तोष साह सुनारलाई सुन जस्तो देखिने पहेलो धातुसहित मकवानपुरको रातोमाटेबाट प्रहरीले नियन्त्रणमा लिएको छ । रातोमाटे चेक पोष्टमा खटिएको प्रहरी टोलीले जीतपुरसिमरा ७ का ३३ वर्षीय सुनारलाई नियन्त्रणमा लिएको हो ।
चेकपोष्टमा सवारी जाँच गर्ने क्रममा सुनारलाई काठमाण्डौबाट वीरगन्ज आउदै गरेको बा.प्र. ०३–००१ ख १८०३ नम्बरको यात्रुबाहक बसबाट नियन्त्रणमा लिएको प्रहरीले जनाएको छ । सुनार उक्त बसमा सवार थिए ।
उनको साथबाट तीन थान ब्रासलेट बरामद भएको र थप अनुसन्धान भईरहेको प्रहरीको भनाई छ ।
