लायन्स क्लबद्धारा फेटामा वृक्षरोपण
सिमराः वीरगन्जमा सक्रिय रहेका विभिन्न लायन्स क्लबले बाराको फेटामा वृक्षरोपण कार्यक्रम सम्पन्न गरेका छन् । देशव्यापी कार्यक्रम अन्तर्गत वीरगन्जका तीन वटा लायन्स क्लबले फेटास्थित अञ्चित माध्यमिक विद्यालय परिसरमा वृक्षरोपण गरेका हुन् ।
लायन्स क्लब अफ वीरगन्ज परिवार, लायन्स क्लब अफ एक्सिलेन्स र लायन्स क्लब अफ फ्रेण्ड जोनले संयुक्त रुपमा विभिन्न प्रजातिका विरुवा रोपेका हुन् । वृक्षरोपण कार्यक्रमको शुभारम्भ फेटा गाउँपालिकाका अध्यक्ष रुस्तम अंसारी र लायन्स क्लब डिस्ट्रिक ३२५ का क्याबिनेट सेक्रेटरी बासु तिमिल्सिना गरेका थिए ।
रवी सर्राफको अध्यक्षतामा कार्यक्रममा लायन्स क्लबका श्याम गुप्ता, रिकेश साह, अशोक बेरिवाल, चन्द्रशेखर कुर्मीलगायतको उपस्थिती रहेको थियो । कार्यक्रममा विभिन्न प्रजातिका करिब तीन सय विरुवा रोपिएको डिस्ट्रिक क्याबिनेट सेक्रेटरी तिमिल्सिना जानकारी दिए ।
