खेलकुद पत्रकार मञ्च बाराको अधिवेशन सम्पन्न
सिमरा: नेपाल खेलकुद पत्रकार मञ्च जिल्ला समन्वय शाखा बाराको छैठौं साधारण सभा तथा दोश्रो अधिवेशन सम्पन्न भएको छ ।
सिमरामा सम्पन्न अधिवेशनले पुनस् सुनिल गाउँलेको अध्यक्षतामा कार्यसमिती चयन गरेको छ । सर्वसम्मत चयन गरिएको नौ सदस्यीय कार्यसमितिको उपाध्यक्षमा कृष्ण सिग्देल, सचिवमा बसन्त खतिवडा, सहसचिवमा प्रदीप गौतम र कोषाध्यक्षमा पुष्पराज खतिवडा रहेका छन् । यसैगरी सदस्यमा निलिसा वर्मा, सीता अधिकारी, श्याम गुप्ता र नवराज चौलागाईलाई चयन गरिएको छ ।
यसैगरी मञ्चको सल्लाहकारमा गोकुल घोरसाइने, गुरुप्रसाद गौतम, रेशम तिवारी, प्रकाश लम्साल र दिवाकर भण्डारी चयन भएका छन् । साधारणसभाले नयाँ सदस्य थप गर्ने निर्णय गरेको छ ।
अधिवेशनमा नेपाल पत्रकार महासंघ बाराका अध्यक्ष रेशम तिवारी, नेपाल पत्रकार महासंघ मधेश प्रदेशका पूर्वसचिव गुरुप्रसाद गौतम, पत्रकार प्रकाश लम्साल, प्रेस चौतारी बाराका अध्यक्ष दिवाकर भण्डारी, प्रेस युनियन बाराका उपाध्यक्ष बसन्त खतिवडा, प्रेस सेन्टर बाराका उपाध्यक्ष प्रदिप गौतम, सहकारी पत्रकार समाज बाराका अध्यक्ष पुष्पराज खतिवडा, पत्रकार राजमणी बराललगायतको उपस्थिती रहेको थियो ।
