होली र पथलैया तेक्वान्दो डोजाङको ग्रेडिङ परिक्षा सम्पन्न
सिमराः जीतपुरसिमरा उपमहानगरपालिका १ स्थित होली तेक्वान्दो डोजाङ र पथलैया तेक्वान्दो डोजाङको गे्रडिङ परिक्षा सम्पन्न भएको छ । पथलैयास्थित नेपाल राष्ट्रिय माध्यमिक विद्यालयको स्रोत केन्द्र भवनमा ग्रेडिङ परिक्षा तथा वार्षिक कार्यक्रम सम्पन्न भएको हो ।
ग्रेडिङमा दुवै डोजाङका ६५ खेलाडी सहभागी थिए । होली डोजाङ पथलैयास्थित होली गार्डेन इङ्लिस स्कुल र पथलैया डोजाङ नेपाल राष्ट्रिय माध्यमिक विद्यालयमा संचालित डोजाङ हुन् ।
नेपाल तेक्वान्दो संघ मधेस प्रदेशका महासचिव राजकुमार लामाको प्रमुख आतिथ्यतामा सम्पन्न कार्यक्रममा अन्तर्राष्ट्रिय रेफ्री जीतसिंह लामा, पर्सा जिल्ला खेलकुद विकास समितिका प्रमुख बिजय शाह ठकुरी, शिक्षक रुवन थापालगायत सहभागी थिए । कार्यक्रम प्रशिक्षक उदयराज पाण्डेको अध्यक्षतामा सम्पन्न भएको थियो ।
सोही अवसरमा डोजाङ संचालन एक वर्ष पूरा गरेको खुशियालीमा खेलाडीले केक काटेर वार्षिक कार्यक्रम मनाएका थिए । उक्त कार्यक्रममा खेलाडीका अभिभावकसंग अन्तरक्रिया समेत गरिएको थियो ।
