जिल्ला प्रहरी कार्यालयद्धारा आयोजित कार्यक्रममा ६८ जनाद्धारा रगतदान
धिरेन्द्र तिवारी
कलैयाः जिल्ला प्रहरी कार्यालय बाराले आयोजना आइतबार गरेको रक्तदान कार्यक्रममा ६८ जनाले रगत दान गरेका छन् । नेपाल प्रहरी श्रीमती संघको ३९औं वार्षिकोत्सवको अवसरमा आयोजित कार्यक्रममा एक महिलासहित ६८ जनाले रगत दान गरेका हुन् ।
कार्यक्रममा प्रहरी उपरीक्षक होबिन्द्र बोगटी, प्रहरी नायब उपरीक्षक दधिराम न्यौपानेसहित प्रहरी, नेपाली सेना, सशस्त्र प्रहरी र विभिन्न संघसंस्थाका प्रतिनिधिले रगत दान गरेका थिए । रक्तदातालाई बाराका प्रमुख जिल्ला अधिकारी नवराज सापकोटाले प्रमाणपत्र वितरण गरेका थिए ।
प्रादेशिक अस्पताल कलैया र नेपाल रेडक्रस सोसाइटीको प्राविधिक सहयोगमा कार्यक्रम सम्पन्न भएको हो ।
