सिमरा खानेपानीको सूचना अधिकारीमा घिमिरे
सिमराः सिमरा खानेपानी तथा सरसफाई उपभोक्ता समितिको कार्यालयले सूचना अधिकारीको जिम्मेवारी निर्जल घिमिरेलाई दिने निर्णय गरेको छ । कार्यालयमा प्रशासन सहायकको रुपमा कार्यरत घिमिरेलाई सूचना अधिकारीको समेत कार्य गर्ने गरी जिम्मेवारी थप गरेको हो ।
खानेपानी कार्यालयको सूचना प्रवाह सहज बनाउन सूचना अधिकारी तोकिएको अध्यक्ष कासिम हुसेनले जानकारी दिए । अध्यक्ष हुसेनका अनुसार कार्यसमितिको बैठकले घिमिरेलाई सूचना अधिकारी तोक्ने निर्णय गरेको हो ।
जीतपुरसिमरा उपमहानगरपालिका ३ निवासी घिमिरेले प्रशासनिक कार्यसंगै उपभोक्ताको माग अनुरुप सेवा प्रवाह भएनभएको र पाइपलाइन विस्तार कार्यको निरीक्षण गर्ने गरेका थिए ।
