जीतपुरसिमरा उपमहानगरपालिकाका प्रमुख प्रशासकीय अधिकृत पुरीको सरुवा
सिमरा: जीतपुरसिमरा उपमहानगरपालिकाका प्रमुख प्रशासकीय अधिकृत हरिलाल पुरीको सरुवा भएको छ । पुरीको रौतहटस्थित चन्द्रपुर नगरपालिकामा सरुवा भएको हो ।
पुरी गत फाल्गुनमा चन्द्रपुर नगरपालिकाबाटै सरुवा भएर जीतपुरसिमरा आएका थिए । जीतपुरसिमरा आएको ६ महिनामै पुरीको पुन: चन्द्रपुरमा सरुवा गरिएको हो।
प्रमुख प्रशासकीय अधिकृत पुरीको सरुवा गरेको संघीय मामिला तथा सामान्य प्रशासन मन्त्रालयले उनको स्थानमा को पठाउने भन्ने निर्णय गरेको छैन । जीतपुरसिमराको प्रमुख प्रशासकीय अधिकृत पद रिक्त राखेर मन्त्रालयले पुरीलाई रौतहट पठाएको हो ।
पुरीको सरुवा भएसंगै जीतपुरसिमराको दैनिक कामकाज प्रभावित हुने भएको छ ।
