जीतपुरसिमरा २ प्रभात टोलमा सरसफाइ कार्यक्रम सम्पन्न
श्रीराम रेग्मी
सिमराः बाराको जीतपुरसिमरा उपमहानगरपालिका वडा नं. २ मा रहेको प्रभात टोलमा आज बृहत सरसफाई कार्यक्रम सम्पन्न भएको छ ।
प्रभात टोल बिकास समितिको आयोजनामा ‘आफ्नो टोल आफै सफा गरौ’ भन्ने उद्देश्यले सरसफाई कार्यक्रम गरिएको समितिका अध्यक्ष मधुसूदन कडेलले जानकारी दिए । नजिकिदै गरेको चाडपर्वलाई मध्यनजर गरी टोलमा रहेका नाला, बाटो सफा गरिएको अध्यक्ष कडेलले बताए ।
सरसफाई कार्यक्रम बाट करिब ३ ट्रयाक्टर फोहोर संकलन भएको र सो फोहोरलाई वडाको सहयोगमा बिसर्जनका लागी पठाईएको समितिका सचिब पारस पोखरेलले जानकारी दिए ।
आगामी दिनमा पनि टोललाई सधै सफा राख्न सरसफाई कार्यक्रम गरिने, जथाभाबि फोहोर फाल्नेलाइ जरिवाना गरिने र विभिन्न ठाँउमा डस्टबिनको व्यवस्था गरिने समेत सचिव पोखरेलले बताए ।
बृहत सरसफाई कार्यक्रममा टोल बिकास समितिका पदाधिकारी, वडा नं. २ का वडासदस्य उद्दव गौतम, स्थानीय समाजसेवी लगायत करिब १०० जनाको सहभागिता रहेको थियो । समितिमा करिब एक सय ८३ घरधुरी संख्या रहेको छ ।
