भाइटीकाको उत्तम साइत कार्तिक २९ गते बिहान १० बजेर ५१ मिनेटमा
सिमराः नेपाल पञ्चाङ्ग निर्णायक विकास समितिले तिहारको भाइटीकाको उत्तम साइत कार्तिक २९ गते बिहान १० बजेर ५१ मिनेटमा रहेको जनाएको छ । समितिले सोमबार विज्ञप्ति जारी गर्दै टीकाको उत्तम साइत जानकारी गराएको हो ।
भाइटीकाको दिन दिदीबहिनीले दाजुभाइलाई टीका लगाइदिएर दीर्घायुको कामना गर्ने प्रचलन छ । यस वर्षको तिहार कार्तिक २५ गतेदेखि शुरु हुँदैछ ।
यस वर्ष कार्तिक २५ गते काग तिहार, २६ गते कुकुर तिहार र लक्ष्मी पूजा, २७ गते गाई तिहार, २८ गते गोवद्र्धन पूजा र म्हः पूजा, २९ गते भाइटीका परेको छ ।
