नेपोभिट टायल उद्योगमा आगलागी, करोडौको क्षति (भिडियो)
सिमराः नेपाभिट ब्राण्डको टायल उत्पादन गर्दै आएको जीतपुरसिमरा ८ स्थित नेपाल सेरामिक ईण्डष्ट्रिजमा आइतबार आगलागी भएको छ । आगलागीबाट करोडौं मूल्य बराबरको क्षति भएको छ ।
उद्योगबाट उत्पादन भएको टायल भण्डारण गर्ने क्षेत्रमा दिउँसो करिब ३ः३० बजेदेखि आगो लागेको हो । उक्त क्षेत्रबाट सल्किएको आगो उद्योगको अन्य स्थानमा फैलिएको थियो ।
यो समाचार तयार पार्दासम्म उद्योगको आगो नियन्त्रणमा आएपनि पूर्णरुपमा निभाउन सकिएको छैन । आगो जीतपुरसिमरा उपमहानगरपालिका, कलैया उपमहानगरपालिका, वीरगन्ज महानगरपालिका, वीरगन्जस्थित नेपाल प्रहरीको दमकलको सहयोगमा नियन्त्रणमा लिइएको थियो ।
दमकलसंगै आगो निभाउन नेपाल प्रहरी, सशस्त्र प्रहरी, स्थानीय र उद्योगका मजदुर खटिएका थिए । आगलागीबाट करोडौं मूल्य बराबरको क्षति भएको उद्योगका संचालक शम्भुनाथ झाका सहयोगीले जानकारी दिएका छन् ।
आगलागीबाट भएको क्षतिको विवरण पुष्टि हुन बाँकी रहेपनि कराडौं मूल्य पर्ने मेसिन, उत्पादन गरेर राखिएका टायल र उद्योगको संरचनामा क्षति पुगेको छ ।
भिडियो स्रोतः शिव पौडेलको फेसबुक
