बारा–मकवानपुरको सिमानामा ट्याक्टर दुर्घटना, दुईको मृत्यु
सिमराः बारा र मकवानपुरको सिमा नजिकको माथिल्लो पानिसरा भन्ने स्थानमा आइतबार ट्रयाक्टर दुर्घटना हुँदा दुई जनाको घटनास्थलमै मृत्यु भएको छ । मृत्यु हुनेमा निजगढ नगरपालिका १३ का लालबहादुर थिङ र हटौडा उपमहानगरपालिका १६ का जीतबहादुर थिङ रहेका छन् ।
बाराको डम्मरपुर र मकवानपुरको माथिल्लो आकाशधाराको बीचमा प्रदेश ०३–००१–त ६९८७ नम्बरको ट्रयाक्टर सडकबाट करिब तीन सय मिटर तल खसेर दुर्घटना भएको हो । दुर्घटनामा दुबैको घटनास्थलमै मृत्यु भएको निजगढ १३ का तीलक घलानले इशिलालेखलाई जानकारी दिए ।
लालबहादुर ट्रयाक्टर चालक थिए भने जीतबहादुर उनका ठुलोबुवा थिए । लालबहादुर आफ्नो ठुलोबुवालाई पुर्याउनका लागि मकवानपुरतर्फ जादै थिए । घटनाको थप विवरण आउँन बाँकी छ ।
