लागूऔषध गाँजा सहित दुई जना नियन्त्रणमा
सिमराः जीतपुरसिमरा उपमहानगरपालिका १ पथलैयाबाट प्रहरीले लागूऔषध गाँजासहित दुई जनालाई पक्राउ गरेको छ । राजमार्गमा सवारी चेकजाँचका क्रममा प्रहरी चौकी पथलैयाको टोलीले नौ किलो गाँजासहित दुई जनालाई नियन्त्रणमा लिएको हो ।
नियन्त्रणमा पर्नेमा मकवानपुर मनहरी ८ का २१ वर्षीय सुवास मोक्तान र कैलास २१ का ३० वर्षीय देवराज स्याङतान रहेका छन् । हेटौडाबाट सिमरातर्फ जादै गरेको बा–प्र–०२–०२९प १६०९ नम्बरको मोटरसाइकल चेकजाँच गर्ने क्रममा उनिहरुले बोकेको ब्यागबाट गाँजा बरामद भएको बाराका प्रहरी प्रवक्त दधिराम न्यौपानेले जानकारी दिएका छन् ।
पक्राउ परेका दुवै जनालाई नियन्त्रणमा राखेर थप अनुसन्धान भईरहेको न्यौपानेले जानकारी दिए ।
