लागूऔषध गाँजासहित पथलैयाबाट भारतीय स्कोरपियो नियन्त्रणमा
सिमरा: प्रहरीले पथलैयाबाट ३६ किलो अवैध लागूऔषध गाँजासहित शुक्रबार बिहान एक भारतीय स्कोरपियो नियन्त्रणमा लिएको छ ।
जीतपुरसिमरा उपमहानगरपालिका १ पथलैयास्थित सर्भिस लेनमा रोकिराखेको डिएल ४ सिएनबी ३६८१ नम्बरको स्कोरपियो गाडीबाट प्रहरीले गाँजा नियन्त्रणमा लिएको हो ।
पथलैयास्थित प्रहरी चौकीको टोलीले स्कोरपियो जाँच गर्दा पछाडीको भागमा लुकाएर राखेको अवस्थामा गाँजा बरामद भएको बाराका प्रहरी प्रवक्ता दधिराम न्यौपानेले जानकारी दिए । गाडीलाई ईलाका प्रहरी कार्यालय सिमरामा राखिएको छ ।
गाँजासहित गाडी नियन्त्रणमा लिएको प्रहरीले सवारी चालक र अन्यको विषयमा खुलाएको छैन ।
